တရုတ်နိုင်ငံ China State Shipbuilding Corporation (CSSC) လက်အောက် 705 Research Institute မှ သုတေသနပြုတီထွင်ထားသော ဟိုက်ဒရိုဂျင်ဗုံးအသစ်ကို စမ်းသပ်ပေါက်ခွဲခဲ့ပါတယ်၊ ဒီဗုံးဟာ အဏုမြူဓာတ်ပြုမှုမပါဘဲ အလွန်မြင့်မားသောအပူချိန် (၁၀၀၀°C ကျော်) ရှိတဲံ့ မီးလုံးကြီး ဖြစ်ပေါ်လာကြောင်း သိရသည်။
South China Morning Post ရဲ့ ဖော်ပြချက်အရ၊ ဒီစမ်းသပ်မှုမှာ မဂ္ဂနီစီယမ် ဟိုက်ဒရိုက် (magnesium hydride) ဟုခေါ်သော အခဲဒြပ်စင်ကို အသုံးပြုကာ ဟိုက်ဒရိုဂျင်ကို သိပ်သည်းစွာသိုလှောင်ထားနိုင်ပြီး သာမန်လေဖိအားဖြင့်သိုလှောင်သည့်နည်းစနစ်ထက် ပိုထိရောက်တယ်လို့ ဆိုပါတယ်။
စမ်းသပ်မှုတွင် ၂ ကီလိုဂရမ် အလေးချိန်ရှိသော ဗုံးငယ်ကို ပေါက်ကွဲစေခဲ့ရာ အဖြူရောင် အလွန်ပူပြင်းသည့် မီးလုံးကြီး ဖြစ်ပေါ်လာပြီး ၂ စက္ကန့်ကျော် (TNT ဗုံးတူအရွယ်ထက် ၁၅ ဆပိုကြာ) ၁၀၀၀°C အထက် အပူချိန်ရှိသည့် မီးလှိုင်းကို ဖြစ်ပေါ်စေခဲ့သည်။
ဒီတီထွင်မှုဟာ စစ်ရေးနှင့် စွမ်းအင်နည်းပညာ ကဏ္ဍတွင် အရေးပါသော ခြေလှမ်းတစ်ရပ်ဖြစ်ပြီး၊ အနာဂတ်တွင် စွမ်းအင်သိုလှောင်မှု၊ ပေါက်ကွဲမှုနည်းပညာနှင့် စစ်လက်နက်များ တိုးတက်ရာတွင် အထောက်အကူပြုမည်ဟု မျှော်လင့်ရပါတယ်။
